Hesperian Health Guides
Тамактануусуна көмөк берүүчү, колго жасалган жасалгалар
HealthWiki > Ден соолугунун мүмкүнчүлүктөрү чектелүү балдарды реабилитациялоо > 36-БӨЛҮМ: Тамактануу > Тамактануусуна көмөк берүүчү, колго жасалган жасалгалар
| Бул баланын колдору шал. Кашыкты көтөрүү үчүн, ал ийнин көтөрүп-түшүрөт. Чыканагы түшүрүлгөндө алакан-манжалары көтөрүлүшү үчүн, билеги үстөлдүн кырына коюлат. |  |
Табагы ары-бери жыла бербеши үчүн, анын астына катуу сымдан жасалган торчого велосипеддин камерасынын кесиндилери эшилген атайын жасалганы коюп койсо болот. | |
| Алаканга кийгизилип колдонулган, териден же велосипеддин камерасынан жасалган атайын курга кашыкты тагып койсо болот . |  орусча “липучка” деп аталган түктүү илмек |
 |
Табакты кичинекей пластик чакадан жасап алууга болот. |
| Ары-бери жыла бербеши үчүн, астына велосипеддин камерасынан кесиндилерди сууга эрибеген жабыштыруучу желим менен жабыштырып койсоңуз болот. | |||
Тамактануу үчүн, бурулуучу көмөкчү жасалга
| Мындай жасалга колдору өтө алсыз балага өз алдынча тамактануусуна мүмкүнчүлүк берет. Жасалганын 3 жеринде жакшы бурулуп туруучу, бирок бекем бекитилген шарнир сымал ашташтары болуш керек. Мындай жасалганы эптүү жана бир нерсени ойлоп чыгарууга шыктуу адам жасай алат. |  |
Кашык кармагычты калемсап, тиш тазалагыч жана дагы башка нерсени да кармагыдай кылып ылайыктап койсо болот |
Кол термелткич – колун көтөрүүгө күчү жетпеген бала үчүн.
| Мындай кол термелткичти жыгачтан кесип, же болбосо, пенопласттын же картондун бөлүктөрүн каттап жабыштырып жасоого болот. |  | ||
| Же болбосо, аны эски пластик (же металл) чаканын түпкү бөлүгүнөн жасаңыз. |  |
Курлар керек же кереги жок болушу мүмкүн. | |
 |
 | ||
| Пластикти анда белгиленген чийиндер боюнча ысытылган металл менен ысытыңыз. | Андан кийин, аны сүрөттөгүдөй кылып ийиңиз | ||
 |
 |
| Колу өтө алсыз болгондуктан, аны көтөрүп, оозуна жакындата албаган, булчуңдар дистрофиясы бар бул бала кол термелткичтин жардамы менен тамактанып жатат. Мындай кол термелткичти пенопласттан жасоо үчүн, болжол менен 5 эле мүнөт кеткен. | |
| Кашыкты тиштеп, ага тамактан алсын. | Кашыкты кыпчыгычка кыстырсын. | Кашык оозуна келиши үчүн, эриндери менен кыпчыгычты айлантсын. |
 |
 |
 |
Эскертме: Эгер балдар оңтойсуздугу үчүн балаңызды шылдыңдаса, муну ишенимдүү аткарганды үйрөнгүчө өзүнчө отуруп машыксын.
| Колдорун такыр колдоно албаган балдар оозун тамакка жакындатып тамактана алышат. Табагын оозуна жакыныраак кылып коюп бериңиз.Табактын түбү тоголок болсо, табак бошогон сайын аны эңкейтип отуруп, тамактын баарын жей алат. |  Сүрөттө көрсөтүлгөндөй жасалга оозу менен ага орнотулган чыныны эңкейтип, андан ичүүгө балага мүмкүнчүлүк берет. Же болбосо, ичке түтүк аркылуу ичсин. |
Өз алдынча тамактануусуна жана өзүн тейлөөсүнө балага дагы башка жолдор аркылуу жардам берүү үчүн, ойлоп чыгаруу жөндөмдүүлүгүңүздү пайдаланыңыз.
This page was updated:30 Дек 2025