16-БӨЛҮМ: Ювенилдик артрит: Балдардагы өнөкөт артрит

---

HealthWiki > Ден соолугунун мүмкүнчүлүктөрү чектелүү балдарды реабилитациялоо > 16-БӨЛҮМ: Ювенилдик артрит: Балдардагы өнөкөт артрит

---

Бул бөлүмдө:

 

Бул бөлүмдө:

• 16-БӨЛҮМ: Ювенилдик артрит: Балдардагы өнөкөт артрит
• АНЫ КАНТИП АНЫКТАСА БОЛОТ?
• ЮВЕНИЛДИК АРТРИТ боюнча кошумча маалымат
• Ювенилдик артритти дарылоо
• ЭС АЛУУ ЖАНА ДЕНЕНИ ТУУРА АБАЛДА КАРМОО
• КӨНҮГҮҮЛӨР ЖАНА КЫЙМЫЛДОО
• КЫЙМЫЛСЫЗ КӨНҮГҮҮЛӨР
• ТИЗЕСИНДЕ АРТРИТИ бар бала үчүн көнүгүүлөрүн бара-бара татаалдаштыруу
• АРТРИТИ БАР ТИЗЕ МУУНУН күндөлүк тиричиликте машыктыруу
• Артрит менен ооруган балдар үчүн муундарынын толук көлөмдө кыймылдоо ийкемдүүлүгүн сактоого жардам берүүчү көнүгүүлөр
• Ооруган муундарды эс алдыруу жана кыймылдатуу үчүн “абада калкытуучу” жасалгалар
• АРТРИТТЕН ПАЙДА БОЛГОН КОНТРАКТУРАЛАРДЫ ОҢДОО
• Муундарды жазуу үчүн, колго жасалуучу чоюучу жасалгалар
• Артрити бар, жамбаш сөөк - кашка жилик муундарындагы контрактураларды оңдоо
• КЫЙМЫЛДАГАНДЫ ЖАНА ЖЫЛМАЙГАНДЫ ҮЙРӨНГҮЛӨ (Терезанын окуясы)

АНЫ КАНТИП АНЫКТАСА БОЛОТ?

• Артрит (муун ооруу) көбүнчө 5–10 жаш аралыгында башталат, бирок аны менен мындан да жаш балдар же өспүрүмдөр деле оорушу мүмкүн.
• Демейде, баланын абалы бир нече жылда улам күчөп начарлайт.
• Мезгил-мезгили менен муун ооруу жана илдеттин башка белгилери бирде басаңдап, бирде кайра күчөп турат.
• Артрит балдардын ар биринде ар түрдүүчө байкалат. Ал жеңил же оор формасында байкалышы мүмкүн.

Белгилери

КАЙСЫ МУУНДАР ЖАБЫРКАЙТ

Адегенде бул муундар жабыркайт
Муун ооруу. Көбүнчө тизе, таман сөөк - жото жилик муундарында, кырк муундарда башталат. Андан кийин моюндагы, колу-буттун манжаларындагы муундар, чыканактар жана ийиндер ооруй баштайт. Кийин жамбаш сөөк - кашка жилик муундары жана омуртка тутумундагы ашташтар ооруй башташы мүмкүн. Муун ооруу жана муунагуу эртең менен өзгөчө катуу болот.
Кийин бул муундар жабыркайт
	Мезгил-мезгили менен ысытма жана денеде бүдүр-бүдүр темгилдер пайда болуп турат. (Айрым балдарда так ушул белгилер биринчи байкалат.) Тизелер шишип, ичти көздөй бурулуп калышы мүмкүн. Тизе, жамбаш сөөк - кашка жилик жана башка муундарды алардын оорушунан улам жазуу оор болушу мүмкүн. Тарамыштар тартылып калышы, контрактуралар пайда болушу, сөөктөр ашташтарынан чыгып кетиши ыктымал.

Оор артрити бар бала көп учурда колубуттарын бүгүп алганда эң аз ооруткан абалды таап отурууга аракет кылат. Чоюу көнүгүүлөрү такай аткарылбаса жана дене туура абалына келтирилип кармалбаса, баланын басуусуна же атүгүл буттарына туруусуна жол бербөөчү контрактуралар калыптанышы мүмкүн.	Моюндун жана астынкы жаактын муундарында оор артрити бар баланын ээги кичинекей жана кыска болушу мүмкүн.

		Кол манжалары абдан ичкерип жана деформацияланып, же, тескерисинче, жооноюп (бирок учтары ичке болуп) кетиши мүмкүн.
Колу-буттардын манжаларында контрактуралар калыптанышы мүмкүн жана кийин сөөктөрү бир бирине жабышып биригип калышы ыктымал.	Кырк муундар жана таман сөөк - жото жилик муундары муунагып, бүгүлүү абалдарында катыгансып калышы мүмкүн.

This page was updated:23 Май 2025